* الحياة قبل كورونا وبعد كورونا اختلفت اختلاف كبير .
* قبل كورونا السكر بالكيلو والسفر بالمحطات.
* وبعد كورونا السفر بقى بالكيلو وربما يصبح السكر بالمتر .
* تجي لبتاع الدكان تقول ليهو اديني (نص متر سكر) ، وتمشي لبتاع السفريات تقول ليهو : (مسافر لي سبعة كيلو وجاي) .
* و(٤×٢=٨) قبل كورونا، وبعد كورونا (٤×٢= برشلونة) .
* قبل كورونا الخسارة في كرة القدم (١و٢و٣) ، وبعد كورونا الخسارة بقت بالدستة.
* برشلونة اخدها (٨) .
* والمريخ اخدها (٧) من قبل .
* الفرق بين (٨) برشلونة و(٧) المريخ هو أن خسارة برشلونة سببها الجهاز الفني وخسارة المريخ سببها (البرد) .
* اتخيل مباراة برشلونة الأخيرة دي لو كان فيها برد ؟
* قبل كورونا الكاردينال كان (بكضب) وبقول : أنا قاعد ٢٥ سنة ، وبعد كورونا الكاردينال بقى يفتش لرئاسة لجنة التطبيع .قروبات نبض الأسياد
* والله صحي.
* ملأ الكاردينال الدنيا ضجيجا وقطع بأنه لن يستمر في الهلال ولا دقيقة بعد يوم (٢٧) .
* بل ذهب أبعد من ذلك وقال : قبل يوم ٢٧ علاقتي برئاسة الهلال ستنتهي .
* وفعلا إنتهت يوم ٢٧ .
* ومشوا ليهو ناس الإستشارية ورفض .
* وقال ليهم : أي حاجة طلبتوها مني وافقت عليها لكن المرة اعفوني.
* وعفوهو بالفعل وكلموا شداد إنو الكاردينال قال ما داير .
* وتنظيمات الهلال ظهرت في الصورة وفجأة الكاردينال قال أنا داير .
* عدم الصدق ما جديد على الكاردينال .
* عندو معانا (٩٩) كضبة.
* ال(٩٩) دي فيها (٦٢) كضبة سوداء .
* عاد الكاردينال رئيسا للجنة التطبيع المحدد لها (٣) شهور .
* غايتو يا محمد خير ساهرتو بينا ساكت بحواركم داك .
* المهم .
* الحق حق والباطل باطل .
* عندما توقف الكاردينال وللأمانة انكشفت كثير من الأشياء.
* أهم هذه الأشياء معاناة فريق الكرة .
* تنظيمات الهلال والاقطاب قعدوا فراجة .
* ربطوا دعمهم بتعيينهم عبر لجنة التطبيع.
* ودي كانت خطوة غير موفقة من جانبهم.
* كان سيكون جميلا إذا بدأت هذه التنظيمات الصرف على الفريق اعتبارا من يوم ٢٨ .
* لكنهم (لبدوا) وانتظروا التعيين واستقالة الكاردينال .
* نعم الكاردينال لما شاف الحراك الهلالي خاف وقرر يرجع .
* ولكن الحقيقة التي يجب أن تقال أن كثير من هذه التنظيمات السبعة كانت ستدخل الهلال في محنة .
* قلناها وسنكررها أن مسيرة الهلال لن تتوقف برحيل الكاردينال أو خلافه .
* ولكن مؤكد أن المسيرة تحتاج لقيادة قوية حتى تتواصل .
* وتنظيمات الهلال بشكلها الحالي ينقصها الكثير .
* ينقصها الفكر وربما المال .
* الكاردينال ما عندو فكر أو فكرة في موضوع كرة القدم وده سبب المطالبة برحيله حتى قبل نهاية فترته .نبض الأسياد
* وبعض التنظيمات الهلالية هي نسخة من الكاردينال فيما يتعلق بالفكر والفكرة.
* تخيل لو جاء أي تنظيم من التنظيمات السبعة دي وصرف على الهلال من يوم (٢٨) ؟
* كان الكاردينال يشرب وما يروى.
* كل الناس الضد الكاردينال كانت ستقف ضد شداد في تعيين الكاردينال على رأس لجنة يختارها هو .
* لكن ما في تنظيم عندو بعد نظر .
* وقفوا فراجة ومنتظرين استقالة الكاردينال .
* عشان كده لما شداد جاب الكاردينال كثير من الجماهير الواقفة ضد الكاردينال عملت (رايحة) .
* الآن البقت بقت ، على هذه التنظيمات أن تجهز للإنتخابات.
* الكاردينال يكمل التلاتة شهور دي ويمشي يتفرغ لأعماله الخاصة.قروبات نبض الأسياد
* ونتمنى يا كاردينال التلاتة شهور دي ما يكون فيها كضب .
* والله العظيم يا الكاردينال تظبط فريق الكرة لو قعدت مية سنة ما عندنا معاك شغلة .
* حدنا معاك فريق الكرة .
* ما عندنا معاك حاجة تاني .
* وعليك الله ما دايرين كضب.
* ولا دايرين سواقة بالغابة.
* ونسأل الله التوفيق للهلال .
* و..و..
* والله في
The post محمد الطيب الأمين: العودة عبر (شباك) التطبيع !! appeared first on باج نيوز.
