عشة الجبل :لا قدمتني قناة ولا قدمتني شركة

0

عشة الجبل :لا قدمتني قناة ولا قدمتني شركة

عشة الجبل نشرت على صفحتها في فيس بوك توضح حول ما حدث في برنامج يلا نغني وكتبت قالت

السلام عليكم ورحمة الله ..توضيح بسيط حول الحصل في تسجيل برنامج يلا نغني..

* ياجماعة انا لما غنيت حددت لونيتي وحددت مفرداتي وحددت حقدم شنو دي نقطة

*النقطة التانية انا بديت لي كم سنة خطوة خطوة لا قدمتني شركة ولا قدمتني قناة ولا قدمتني شخصية بديت من الصفر عندي جمهوري البستمع لي اللونية البقدمها من مفردات لي سلم غنائي.

*نجي للبطلقو عليها غناء هابط هل في مصطلح خادش للحياء او فيه كلمة تمس اخلاقيات مجتمعنا نحنا لما نغني في مناسبة بنعدد محاسن العريس واصحابو ودا بقوم بيهو اي فنان في اي لونية قدمها ولما نقيف في مسرح بنعرف نقدم شنو.

*والاهم انا مستمعة ولدي مخزون من اي لونية وسلم غنائي لعدد من الفنانين السابقين وممكن أغني اغانيهم…لكن يا جماعة انا بغني غناي حقي الصنعتو بنفسي البستمع ليهو جمهور جبلية وبس وانا واثقة ومقتنعة بالبقدمو.

عشة الجبل
عشة الجبل

*نرجع لنقطة اهم موضوع يلا نغني كل فنان تم دعوته عشان يأدي الغناء تبعو ما حددو لينا انو نأدي اغاني من سبقونا ولا ذكرو لينا انو دا برنامج توثيقي عشان انا اثبت اقدر اغني لمنو ولا ما بقدر..
لكن يا جماعة انا جيت اغني غناي حقي ..واكيد جاهزين نلتزم بلوائح اي برنامج ولو طلبو منا اداء لفنانين كتوثيق لينا الشرف لكن زي ما ذكرت كل شخص يغني ويقدم لونيتو وغناه.

*ارجع لنقطة اخيرة الشي الحصل من زميلنا في الحلقة دا رأيه الشخصي ..انا تقييمي يكفيني من جمهوري وبتقبل ايضا اي نقد ..نحنا ملك للجمهور وانا مرة اخري واثقة ومقتنعة بلونيتي البقدمو .

*وتاني بحترم كل الزملاء باختلاف لونيتهم الغنائية واختلاف السلم الغنائي موفقين ما بقدر اذكر واشير باسماء فقط موفقين .

وتحياتي لجميع المتابعين والمستمعين لي وان شاء الله انا لسة بتعلم اكثر ومتابعة كل النصائح والانتقادات وحكون عند حسن الظن .

اترك رد

لن يتم نشر عنوان بريدك الإلكتروني.

error: عفوا لايمكنك نسخ محتوى الموقع !!