داليا إلياس : “لمن يهمه الأمر (..) لو كان للأمر ولا للإنسان أهمية فى البلد دى”

الراى السودانى

تفاعل رواد مواقع التواصل الإجتماعي مع منشور للشاعرة داليا إلياس نشرته عبر حسابها الرسمي في موقع فيسبوك، وجهت فيه داليا رسالة
عاجلة إلى المسؤولين بقطاع المياه تشكو فيها معاناتهم بسبب انقطاع إمداد المياه لأكثر من 5 ايام على التوالي

وكتبت داليا خلال المنشور الذي رصدته محرر موقع سودافاكس الإخباري : ” تخيلوا نحن لينا ٥ يوم ماعندنا موية، عارفين يعنى شنو مافى موية فى شقة فيها ٨ أشخاص بيستخدموا الحمام

تخيلوا نحن بنشترى يومى موية شراب بى ١٠٠٠ ج وأنا زولة أساساً ماعندى دخل ثابت…. يعنى تقدروا تقولوا بنشتريها على الحساب لحدى ماتفرج!

نحن بنهاجر من جبرة لحدى ابو ادم لى ناس أمى يووومى عشان نستحما ونغسل هدوم المدارس ونملا لينا باغة باغتين للحمام وبعد داك المكوة فى يد الله!

ده حى كاااامل بقى كل همو يفتش حبة موية يتسوك بيها الصباح ويغسل وشو ويفر من البيت!

وماعارفين نقبل وين ولا نشكو لى منو ولا الحاصل شنو ولا نحل المشكلة دى كيف؟!

عن أهالى جبرة/الشهيد طه الماحى/جنوب منتزه الدوحة…. عاجل لمن يهمه الأمر من مسؤولى قطاع المياه…. لو كان للأمر ولا للإنسان أهمية فى البلد دى!!!

اللهم أنت حسبنا…. وقد ضاق بنا جميع الحال

ياربى كيف عاملين أهلى المنسيين؟!!

الحمد لله على نعمة العافية ”