الانتباهة اون لاين موقع اخباري شامل
لخرطوم: الانتباهة أون لاين
أثار منشور للمستشار الإعلامي للنائب الأول لرئيس مجلس السيادة الفريق أول محمد حمدان دقلو حميدتي ردود أفعال واسعة على وسائط التواصل الاجتماعي. ونشر المستشار فارس النور على صفحته الرسمية بالفيسبوك منشورا أرفق معه تصريحات لحميدتي عن الديمقراطية أدلى بها في وقت متأخر من مساء الثلاثاء عقب إنهاء اجتماع اللجنة العليا للطوارئ الإقتصادية. وكتب فارس: (الكلام ليك يالمنطط عينيك:
كلمة (ضر) الواردة في الكلمة مقصود بيها جهات سياسية المفروض إنها أصلا بتنادي بالديمقراطية لكن للأسف أصبح عندها رغبة تطول الفتره الإنتقالية وتحكم بدون انتخابات). وأضاف فارس في منشور آخر: (لابديل للديمقراطية إلا الديمقراطية. والديمقراطية التي يختار فيها الشعب قيادة منتخبة (جديدة). الديمقراطية الحتجيب مؤسسات العدالة. العدالة الحتنصف المظلوم وتقتص من الظالم).
وكان حميدتي تحدث في مقطع الفيديو المرفق مع منشور فارس وقال: (والديمقراطية الناس البتكلمو عنها دي .. انحنا الناس اللابسين الكاكي دي والله حنجيبها ليهم .. ضر كدا نجيبها ليهم .. نفتشها ونحكها كدا لغاية ما نوصلها لي نهايتها .. رأيكم شنو .. ولابسين كاكينا دا .. بس الصناديق دي وصندوق مزور زاتو ما نخليهو .. رأيكم شنو).
The post السودان: مستشار حميدتي: (الديمقراطية نجيبها ضر .. الكلام ليك يا المنطط عينيك)! appeared first on الانتباهة أون لاين.
