السودان اليوم:
* مع فجر كل يوم مفروض الكاردينال يحمد ويشكر ربنا في اليوم الف مرة
* لان الهلال صنع منه رجل مجتمع يقابل السفراء والمسئولين والدستوريين
* وصنع لنفسه مجدا وتاريخا رغم انه كان قبل الهلال رجل أعمال ولكن لا يعرفه احد
* الهلال يصنع الرجال ويمنحهم الشهرة ولو انفق الكاردينال كل أمواله من غير الهلال لما وصل ما وصل إليه الان
* وشوية الملاليم التي يصرفها في الفريق لا تساوي مثقالة ذرة مقابل ما وجده من الهلال
* ولان فاقد الشئ لا يعطيه يظل تاريخه في مسيرة النادي هو الاسوء والافشل مهما حاول أن يجمل صورته ويتغني بأسمة القونات وإنصاف الفنانين
* رئيس كل همه أن يكون في الإعلام وصورته حاضرة في القناة
* حدثني من اثق في حديثه بأن كل شكاوي وبلاوي المحترفين في الفيفا سببها الكاردينال
* ينصحه الناضحون بأن يدفع التسويات والمخالصه ويقول ليهم خليهم يمشوا يشتكوا
* اها يا شاطر الجماعة اشتكوا والفيفا اللي كنت موقفها برجل واحدة قاعدة راجياك تعمل شنوا
* الرفض الكبير الذي وجده من جماهير النادي بعد أن تراجع وهرول للدكتور شداد وأرسل الاجاويد للعودة كانت رسالة واضحة من هذه الجماهير بأن قطار الهلال لا يتوقف في محطة الفاشلين
* ولو رجعت وقعدت تاني تلاتة شهور ولا تلاتة سنوات يا هوا انت ذاتك لا اتبدلت ولا اتغيرت
* الغريبة جماعة الكاردينال والطيالين بتاعنوا يقولوا ليك وين التنظيمات دي لما الراجل مشي وقال ما عايز وليه ما يدفعوا للفريق
* هو متين مشي دي كانت حركات صبيانية ومسرحية بايخة
* وأول مرة اعرف رجل أعمال وصاحب أكبر قوة مالية ضاربة في البلد ولعيية فريقوا ليهم اربعة شهور ما صرفوا مرتباتهم
* بعدين بالله عليكم يأتوا يوم في معارضة في الهلال دا جات ودفعت والتزمت وسددت مطالبات الفريق
* وليه الناس تتحدث عن التنظيمات بس وما دفعوا الدفع للهلال ما لازم تكون عضو أو رئيس تنظيم
* اي هلالي موجوع ويهموا امر الفريق ممكن يساهم ويدفع من غير ما ينتظر إشارة أو دعوة من زول
* هو فاكر بقروشوا دي ممكن يذل الهلال ويخلي الجماهير تعتصم أمام بيتوا وتطالبه بالعودة وتذرف الدموع
* الهلال دا أكبر من كدا يا مان
The post شهرة الكاردينال من الهلال.. بقلم معاوية عيسى appeared first on السودان اليوم.
