السودان اليوم:
*يحق لاي عضو جمعية ان يحدد موقفه من المجلس
*وان يتخذ مايراه مناسبا
*ولكن بالقانون
*وبكل وضوح
*فزمن الغتغته والدسديس انتهي
*لذا نجد ان اهل حراك سحب الثقة من حقهم اتخاذ هذا الموقف من المجلس طالما كانوا اعضاء جمعية عمومية
*ويتبعون القانون في مسعاهم
*ولكن
*حملت الاسافير قوائم لمجلس التسيير او التعيين المرتقب حال نجاح مسعي سحب الثقة
*ان صح ذلك حقو نقيف شوية
*اذا تعدت صلاحيات قادة الحراك محطة سحب الثقة الي محطة تكوين المجلس الخليفة
*فان هذا الحراك لايكون غير انقلاب
*يشيل حكومة ويأتي بحكومته
*ويجبرنا هذا الوضع لانتظار البيان الاول بعد مانتهري مارشات عسكرية تتخللها عبارة بعد قليل يذيع عليكم الرائد فلتكان بيان هام فترقبوه
*لانو اسقاط مجلس وتعيين مجلس بديل بمناصبه واختصاصاته يكون انقلاب
*فسلطة اسقاط حكومة وسلطة تعيين حكومة لاتجتمعان الا لانقلابي علي صهوة دبابة لايعترف بسلطة غير سلطته
*فان صح ماجاء بالاسافير
*لا املك الا ان اقول
*في زمن الغتغته والدسديس الانتهي لن ينجح اي انقلاب
*ومن يقوم بانقلاب في عهدنا هذا لايعدو ان يكون الا مجنونا
*ونصيحتي لمن يرغب في فرض وصايته علي المريخ وشعبه
*ان يبحث عن مضمار آخر تحري عليه خيوله الانقلابية
*لان ديمقراطية المريخ توفر مساحات شاسعه للرأي والرأي الآخر
*ولا تعترف بمن لايعترف بها
*اما قصة اختيار المجلس البجي بعد مجلس التطبيع
*دي فيها زيادة محلبية شوية
*فهل يظن بعضنا ان بعضنا ينقاد باللجام بهذه السهولة؟
*المهم
*شخصيا ماخايف من رمضان يفوتنا
*لان مواقف رمضان الماضية عند التجديد كانت مواقف تجبرنا علي احترام هذا الرمضان
*ولن ننسي اشكاليته مع بدايات هذا المجلس
*لما اكتشف انو عقدو اربعة سنوات والاتفاق تلاتة بس
*حكم رمضان عقله واتبع حبه وقبل بحلول المجلس التي انصفته بعدما كان مخموما في سنة كاملة
*زول زي ده مامنو خوف ولا عليهو خوف
*وبالمناسبة
*عالج هذا المجلس كثير من الاشكاليات المشابهه
*وسدد مقدمات عقود لاعبين استحقت الاداء بعد اقل من شهرين من توليه المسؤولية
*وعدل رواتب لاعبين من الفين في الشهر الي عشرة الف جنيه شهريا دون ان يلزمه عقد علي ذلك
*وتوالت المرتبات دون انقطاع
*وسدد متأخرات متراكمة لصالح آخرين
*القصص طويلة وكتيرة تحتاج لمساحة خاصة
*لازم نعرف بالتفصيل من يسدد رواتب اللاعبين والاجهزة الفنية وحوافز المباريات والترحيل للولايات والمعسكرات ورواتب العمال والموظفين وكهرباء الاستاد والنادي واستحقاقات اللاعبين المغادرين للكشف
*لازم نعرف ده كلو كم والبعملو منو طالما مجلس الفشل ده مابعملو
*لنا عودة
*لكن
*ان يكون حديث المدينة في المريخ دائرا بين طلب تأمين من جهة وامهال من الجهات المعنية للافصاح عن مقدم الطلب او اللجوء للقضاء
*فان المريخ في خطر
*لذا مرارا وتكرارا كنا ولسة بنقول
*منعول ابو الكيمان القسمتنا وطعنت قلوبنا وقستنا
*شتتنا وفرقتنا واتعستنا ما وحدتنا وفرحتنا
*ولسسسسة
*بنقول مريخاب اجمل كلمة تلمنا وخلونا من المسميات البتألمنا
*ايها الناس
*تتذكروا ميدان الثوار؟؟؟
*بتاع اسود البراري
*البشتنوا فيهو التاتشرات
*الميدان الرمي كلمة قوش بتاعت عسكرينا مابجري
*جري وخلي التاتشر مكوع حالتها سلمية
*اهل البراري الكفاية لو قفلوا الكباري
*اها الناس ديل
*اهل رفقة الرجعت البمبان
*مكرمين ابنهم وابن المريخ الكابتن أسامة السر الفنان
*يوم الجمعة من عصرا بدري بميدان ثوار البراري
*والدعوة لكل الثوار والرياضيين
*حضوركم يشرف الثورة وتتشرفون بزيارة ميدان الثوار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*الشح برفع الاسعار علينا
*وعدم الرقابة اهان الناس وطلع عينا
*ومجرمو الحرب عايشين بيننا
*والاستغلاليون يبيعون ويشترون فينا
*ماممكن جالون الجاز بستمية يتباع لينا
*والجاز في الخلا برميل باغة بالحقنة معروض لينا
*قليل من الجهد كثير من الراحة لينا
سلك كهربا
ننساك كيف والكلب قال لو كورونا مشت البجيب الجاز شنو؟؟؟؟
والي لقاء
سلك
The post انقلاب؟.. بقلم بابكر سلك appeared first on السودان اليوم.
